Roteiro Trabe e Fonte da Balsa

A parroquia de Celas ademais de ter no seu haber a Torre, a Igrexa ou as vistas do Xalo, ten tamén a ruta polo Rego das Xesteiras. Esta ruta, que transcorre na súa totalidade por Celas, nos achega á etnografía e á xeografía fluvial e a súa vexetación. Onde se non se poderían ver 11 muíños ao redor dun rego?

Esta ruta percorre o Rego das Xesteiras que descende do Monte Xalo. A vexetación que nos atopamos é de ribeira con árbores coma carballos. Un dos espectáculos máis recomendables desta ruta é a observación de cabaliños do demo, tamén chamados libélulas, que tinguen de azul profundo a ruta, permitindo ao camiñante desfrutar do espectáculo nos meses de maio a agosto especialmente. Tamén os bolos graníticos nos acompañan no noso camiño. 

Na década anterior foron recuperados os muíños, os de Fraganova e Ramallal, no inicio e final de ruta, foron recuperados na súa funcionalidade orixinal. Esta ruta nos fai rememorar a forte unión que existía entre o agro e os veciños desta poboación, nunha economía baseada no cultivo de cereais que tiñan nos muíños un instrumento básico para a súa vida. A maioría dos muíños pertencían a varias familias que eran co-propietarias dos mesmos, de feito herdan os seus nomes. A mecanización e a evolución cara un abandono do sector primario fixo que perderan o seu uso, pero non a súa fermosura e historia. 

En conclusión, ao longo dun percorrido de 1 km poderemos coñecer uns muíños, bolos graníticos e pasear por un entorno fluvial, deixándonos fascinar polas cores verdes e o son da auga. Un espazo de lecer a escasos metros da Torre de Celas e da Igrexa de Santa María. Anímaste?

Inicio:
Rúa Luís Seoane (Xunto a estrada N-550)

Chegada:
Ponte da Autoestrada AP-9 (Ao lado do Polideportivo do Colexio Isaac Díaz Pardo)

Distancia: 1,5 km

Duración: 20 minutos

Dificultade: Baixa

Coordenadas:
Rúa Luís Seoane (xunto a estrada N-550):
43°18’27.8″N 8°22’58.9″
43.307712, -8.383028

Ponte da Autoestrada AP-9 (Ao lado do Polideportivo do Colexio Isaac Díaz Pardo):
43°18’48.5″N 8°22’20.4″W
43.313458, -8.372338