Igrexa de Santa María de Celas

Moi preto da torre de Celas atópase esta igrexa de orixe románica. Como sucede con moitas igrexas deste estilo, sufriu modificacións posteriores.

Trátase dunha igrexa cunha soa nave e ábsida cuadrangular, aínda que ten unha capela menor tamén chamada das Ánimas. O que máis destaca da súa feitura románica é unha pequena fiestra na cabeceira, pechada, con dúas arquivoltas con capiteis de estilo vexetal, ademais de canzorros de figuras zoomorfas e antropomorfas con outras xeométricas, os máis destacados do concello, e un tímpano cunha cruz. Xa no interior, con arco triunfal de medio punto e bóveda de canón, destacan o seus retablos, o maior barroco do século XVIII e os outros dous posteriores e xemelgos. A fachada é do século XIX.

Un lugar onde gozar dos monumentos que o rodean.

Onde:
Celas de Peiro (estrada ao Xalo, 107)
15198 Celas

Coordenadas:
43°14’58.4″N 8°24’26.2″W
43.249549, -8.407289